The British Library Caxtons Online: Cx1, folio 239v

	By symonye or by othir circumstauncis
	Thus quyte I folk that doth vs displesauncis
	Thus spit I out my venym vnder hewe
	Of holynes to seme holy and trewe
95	But shortly myn entent I wol deuyse
	I preche of no thing but of couetyse
	Therfore my teme is yet and euer was
	Radix omnium malorum est cupiditas
	Thus gan I preche the same wyse
100	To suche as be vsyng the syn of aueryse
	But though my self be gilty in that synne
	Yet can I make other folk to twynne
	From auarice / and sore to repente
	But that is not my principal entente
105	I preche no thing but for couetyse
	Of this mater it ought y now suffyse
	Than telle I of ensamplis many on
	Of olde storyes / longe tyme agoon
	For lewd pepyl louyn talis olde
110	Whiche thingis can they weel reporte & holde
	What trow ye whylis that I may preche
	And forto wynne gold & siluer forto teche
	That I wil lyue in pouert wilfully
	Nay nay I thoughte it neuer trewly
115	For I wol preche and begge in sondry londis
	I wil not do no labour with my hondis
	And make baskettis and lyue therby
	Be cause I wol not begge Idelly
	I wil non of the apostolis countirfete

In CTP line numbering:	PD, 95
In Group (Traditional) numbering:	Group C, 423
In Fragment (Riverside) numbering:	Fragment VI, 423

In CTP line numbering:	PD, 100
In Group (Traditional) numbering:	Group C, 428
In Fragment (Riverside) numbering:	Fragment VI, 428

In CTP line numbering:	PD, 105
In Group (Traditional) numbering:	Group C, 433
In Fragment (Riverside) numbering:	Fragment VI, 433

In CTP line numbering:	PD, 110
In Group (Traditional) numbering:	Group C, 438
In Fragment (Riverside) numbering:	Fragment VI, 438

In CTP line numbering:	PD, 115
In Group (Traditional) numbering:	Group C, 443
In Fragment (Riverside) numbering:	Fragment VI, 443