| | Shal renne to toun and that ful swithe | |
| | To brynge vs bred and wyne ful priuely | |
| 470 | And two of vs shal kepe ful subtilly | |
| | This tresour well and yf he wol not tarien | |
| | Whan it is nyght we wol this tresour carien | |
| | Be one assent where as vs list best | |
| | That on of hem broughte strawe in his fist | |
| 475 | And bad him drawe & loke on whom it wold fall | |
| | And it fyl on the yongest of hem alle | |
| | And forth toward the toun he wente anone | |
| | And al so sone as he was goon | |
| | That on of hem spak thus vnto that othir | |
| 480 | Thou wotist well thou art my sworn brothir | |
| | Thy profit wol I telle the right anon | |
| | Thou wost well that our felow is goon | |
| | And here is gold and that ful gret plente | |
| | That shal be departid among vs thre | |
| 485 | But natheles yf I can shape it so | |
| | That it departid were among vs two | |
| | Had I not doon a frendis turn to the | |
| | That othir answerde y not how it mighte be | |
| | I wot wel the gold shal be ouris two | |
| 490 | What shul we say what shul we do | |
| | Shal it be counsell sayde the firste shrewe | |
| | And I shal telle the in wordis fewe | |
| | What we shul do and brynge it wel aboute | |
| | I graunte quod that othir out of doute | |
| 495 | That be my trouthe I wol the not bewrey | |
| | Now quod he thou wotist wel we be tweye | |
