| | And thus he sat til it was passid pryme | |
| | Dan Iohn was risen in the morow also | |
| 90 | And in the gardyn walkid to and fro | |
| | And sayde his thingis ful coriously | |
| | This good wyf cam walkyng priuely | |
| | Into the gardyn there as he walkid softe | |
| | And hym salewid as she hath doon ofte | |
| 95 | A mayde child cam in her company | |
| | Whiche as she list she may gouerne and gye | |
| | For yet vnder the yerde was the mayde | |
| | O dere cosyn myn dan Iohn she sayde | |
| | What eylith you so rathe forto ryse | |
| 100 | Nece quod he it oughte ynough suffise | |
| | Fyue houris to slepe on a nyght | |
| | But it were for an old pallid wight | |
| | As been thyse olde weddid men that lien & dare | |
| | As in a fourme sittith a wery hare | |
| 105 | Were al for straught wit houndis grete & smale | |
| | But dere nece why loke ye so pale | |
| | I trowe certis that our good man | |
| | Hath you labourid sith the nyght began | |
| | That you were nede to restyn hastely | |
| 110 | And with that word he lough ful merily | |
| | And with his owen thought wext al reed | |
| | This faire wyf gan shake hir hed | |
| | And sayde thus ye god woot quod she | |
| | Nay cosyn it stondith not so with me | |
| 115 | For by that god that yaf me soule and lyf | |
| | In al the Reme of Fraunce is ther no wyf | |
