| 205 | I louyd alwey and aftir my konnynge | |
| | And when that I my lif sholde forlete | |
| | To me she cam and bad me for to synge | |
| | This anteme verily in my dyinge | |
| | As ye haue herd and when that I had songe | |
| 210 | Me thoughte she leyde a greyn on my tonge | |
| | Wherfore y synge and synge muste certeyn | |
| | In honour of that blissed mayde fre | |
| | Til fro my tonge takyn is the greyn | |
| | And aftir thus sayde she to me | |
| 215 | My litil child than wol I fecche the | |
| | When that the greyn is fro thy tonge I take | |
| | Be not agast I wil the not forsake | |
| | This holy monk this abbot of hym mene I | |
| | His tunge out caughte & toke awey the greyn | |
| 220 | And he yaf vp the gost ful softely | |
| | And when this abbot had this meruayl sayn | |
| | His salt teris trillid doun as reyn | |
| | And groueling he fyl to the grounde | |
| | And stille he lay as he had be y bounde | |
| 225 | The couent eke lay vp on the pament | |
| | Wepynge and herrying cristis modir dere | |
| | And aftir that vp they roos & forth they went | |
| | And toke a wey this martir fro his bere | |
| | And in a tombe of marbil stonys clere | |
| 230 | Enclosyn they this litil body swete | |
| | There he is now god leue vs for to mete | |
| | O yonge hewe of lincoln slayn also | |
| | With cursid Iues as it is notabil | |
