| | Anon I wil you telle | |
| 185 | Men spekyn of Romauncis of price | |
| | Of hornchild and of Ipotise | |
| | Of beues and of sir Guy | |
| | Of sir libeux and of sir playndemour | |
| | But sir Thopas berith the flour | |
| 190 | Of Rial Chyualrye | |
| | His gode stede he gan be stryde | |
| | And forth vp on his wey he ryde | |
| | As sparcle out of bronde | |
| | Vp on his crest he baar a tour | |
| 195 | And there ynne stikid a lily flour | |
| | God shilde his body from shonde | |
| | And for he was a knyght aunterous | |
| | He nolde slepyn in none hous | |
| | But liggen in his hood | |
| 200 | His bright helm was his wonger | |
| | And by hym lith his destrer | |
| | On herbis fyn and good | |
| | Hym self drank water of the welle | |
| | As did the knyght sir precyuelle | |
| 205 | So worthily vnder weed | |
| | N | O more quod our ost for goddis dignite | |
| | For thou so werry makist me | |
| | Of thy verry lewdnesse | |
| | That also wis my soule bles | |
| 5 | Myn eris akyn of thy drafty speche | |
| | Suche another Ryme the deuyl I beteche | |
| | This may wel be a ryme dogerel quod he | |
