 |
| rather fle and drede the swete wordes of flaterers and pray | |||
| sers / than the egre wordes of thy frende that saith to the thy | |||
| sothes . 210 Salamon saith That the wordes of a flaterer / is a | |||
| snare to cacche Innocentes / 211 he saith also he that saith to his | |||
| frende wordes of swetenes and of playsance setteth a nette | |||
| before his feet to cacche hym . 212 And therfore saith Tullius | |||
| Enclyne not thyn eeres to flaterers ne take no counceyll | |||
| of wordes of flaterye . 213 And Caton saith Auise the wele | |||
| to eschewe wordes of flaterye . of swetenes and of play- | |||
| saunce . 214 And eke thou shalt eschewe the counceylling of | |||
| thyn old ennemyes that ben reconsiled . 215 The book saith | |||
| That no wight retorneth in to the grace of his olde enne- | |||
| myes saufly . 216 And ysope saith Ne truste not to hem with | |||
| whom thou hast somtyme had werre or enemyte / ne telle not | |||
| hem thy counceyll . 217 And Seneke telleth the cause why it | |||
| may not be and sayth where as a grete fyre hath longe | |||
| tyme endured / that there ne dwellith som vapour of warm | |||
| nes . 218 And therfore sayth Salamon / In thyn olde foo | |||
| truste thou neuer . 219 For trewly though thyn enemy be recon | |||
| siled and maketh the chere of humylyte and lowteth to | |||
| the wyth his heed / ne truste hym neuer the more / 220 For sy- | |||
| kerly he maketh that feyned humylyte more for his owen | |||
| prouffyt than for the loue of thyn owen persone . be cause he | |||
| demeth the to haue victorye ouer his persone be suche feyned | |||
| countenance / The whiche victorye he myght not haue be | |||
| stryf ne warre . 221 Peter alfons saith / Make no felawship | |||
| with thyn olde enemyes For yf thou doo / they will peruerten | |||
| hit to wickednes / 222 And eke thou muste eschewe the counceill | |||
| of suche that been thy seruantes & beren the grete reuerence . | |||