| | And therwith of brawn and of bonys | |
| | A wel faring persone for the nonys | |
| 55 | I prey to god yeue hym confusion | |
| | That first the broughte in to religion | |
| | Thow woldist haue be a tredefoule a right | |
| | Haddist thow as greet leue as thou hast myght | |
| | To perfourme al thy lust in gendrure | |
| 60 | Thou haddist begotyn many acreature | |
| | Allas why werist thou so wide a cope | |
| | God yeue me sorou and I were pope | |
| | Not only thow but euery mighty man | |
| | Though he were shore vp on his pan | |
| 65 | Shulde haue a wif for al this worlde is lorn | |
| | Religioun hath take vp al the corn | |
| | Of tredynge and borel men be shrympis | |
| | Of febil treys ther comyth wrecchid ympis | |
| | This makith that our heiris be so sklendir | |
| 70 | And febil that they may not wel engendre | |
| | This makith that our wyuys wol assay | |
| | Religious folk for they may better pay | |
| | Of venus paiementis than mow we | |
| | Good woot no lussheburghs paye ʒe | |
| 75 | But be not wroth my lord though I pley | |
| | Ful ofte in game a soth haue y herd say | |
| | This worthy monk took al in pacience | |
| | And saide I wol do my diligence | |
| | As fer as sowneth in to honeste | |
| 80 | To telle you a tale or two or thre | |
| | And yf you list to harkyn hidirward | |
