| | For he in euery tayl . hath put a brond | |
| | And they brent alle the cornes in that lond | |
| | And her olyues and her vynes eek | |
| | A thousand men eke he slow with his honde | |
| 40 | And hadde no wepyn with hym but an asse cheek | |
| | When they were slayn so thristid hym that he | |
| | Was wel nyhe lorn for whiche he gan to prey | |
| | That god wolde of his pyne haue som pite | |
| | And sende hym drynk or ellis muste he dye | |
| 45 | And of an asse cheke that was so drye | |
| | Out of a wang toth sprang anon awelle | |
| | Of whiche he drank Inowh shortly to seye | |
| | Thus halp hym god . as Iudicum can telle | |
| | Be verry force at gasa on an nyght | |
| 50 | Magre alle the Philistenys of that Cyte | |
| | The gatys of the toun he vp plight | |
| | And on his back y caryed hem hath he | |
| | High vp on an hille where as men myght se | |
| | O nobil and myghty Sampson leef and dere | |
| | That strong worthy and nobil hath be | |
| | In all this worlde ne hath be thy pere | |
| | This Sampson neythir sidir drank ne wyn | |
| | Ne on his hed cam rasour non ne shere | |
| | Be precept of the messanger deuyne | |
| 60 | For al his strengthe was in his heere | |
| | Of his strength he had neuer pere | |
| | And . xx . yeer of ysrael he had the gouernaunce | |
| | But after sone shal he wepe meny a teer | |
| | For a womman broughte hym to myschaunce | |
