| 65 | Vnto his lemman dalida he tolde | |
| | That in his heris al his strengthe lay | |
| | And falsly to his foos hym she solde | |
| | And slepynge vpon a barm vpon a day | |
| | They made to clippe or shere his heer away | |
| 70 | And made his fomen al his craft a spien | |
| | And whenne that they hym fond in such aray | |
| | They bond hym first and put out his yen | |
| | But or his heer were clippid or shaue | |
| | Ther was no bonde that mighte hym bynde | |
| 75 | But now is he put in prison in a caue | |
| | Where as they made hym atte querne grynde | |
| | O nobil Sampson strengist of mankynde | |
| | O whilom Iugge in glorie and in riches | |
| | Yet neuer lyke to the I fynde | |
| 80 | Sith thou art from wele falle in to wrechidnes | |
| | The end of this caytif was as I shal say | |
| | His fomen maden a feste vp on a day | |
| | And made hym ther beforn hem play | |
| | And this was in a tempil of greet aray | |
| 85 | But atte laste he made a foul fray | |
| | For he two postis shook and made hem falle | |
| | And doun fil the tempil & al there it lay | |
| | And slow hym self and eke his fomen alle | |
| | This is to say the Pryncis euerichon | |
| 90 | And eke a thousand bodyes weere there slayn | |
| | With fallyng of the greete tempil of stoon | |
| | Of Sampson wole I nomore sayn | |
| | Beth waar of this ensampil old & playn | |
