| | That noman telle her counceyll to her wyuys | |
| 95 | Of suche thing as they wolde haue secrete fayn | |
| | Yf that hit towche her lymys or her lyuys | |
| | O | F Hercules the souereyn conquerour | |
| | Syngynge his werkis loude & high renoun | |
| | For in his tyme . of strengthe he baar the flour | |
| 100 | He slough and rafte the skynne of the lioun | |
| | And of Centaurus leyde the bost adoun | |
| | He arpies slough the cruel briddis felle | |
| | He the goldyn applis rafte fro the dragon | |
| | He drow out Cerberus the hound of helle | |
| 105 | He slough the cruel tyraunt busurus | |
| | And made his hors to frete hym flesch & boon | |
| | He slough the verry serpent venemous | |
| | Of Achilles two hornes brak he one | |
| | And he slough Cakus in a caue of stoon | |
| 110 | He slough the geaunt Anthens the stronge | |
| | He slough the grysly boor and that anone | |
| | And baar his heed . vp on his spere longe | |
| | Was neuer wight sith the worlde began | |
| | That slough so many monstris as did he | |
| 115 | Thorow the wide worlde his name ran | |
| | What for his strengthe and his bounte | |
| | And euery reme wente he for to se | |
| | He was so strong that noman mighte hym lette | |
| | And bothe worldis endis seith Thimothe | |
| 120 | In stede of boundis he of bras a piler sette | |
| | A lemman hadde this nobil champioun | |
| | That highte deyanyra as fressh as may | |
