| | Two sonys be this Onedak had she | |
| | The whiche she kept in vertu and lettrure | |
| | But now vnto our tale turne we | |
| 300 | I say that worshipfull creature | |
| | And wise therwith & large with mesure | |
| | So penibil in warre and curteys eke | |
| | Ne nomre labour mighte in werre endure | |
| | Was non . though al this worlde men shuld seche | |
| 305 | Her riche aray mighte not be tolde | |
| | As wel in vessel as in clothinge | |
| | She was al glad in Perry & in gold | |
| | And eke she lefte not for non huntynge | |
| | To haue of sondry tongis folk knowynge | |
| 310 | Whenne that she leyser hadde and forto entende | |
| | To lerne bokis was al her likyng | |
| | How she in vertu her lif mighte dispende | |
| | And shortly of this story forto trete | |
| | So doughty was her husbond as she | |
| 315 | That they conqueryd many regnes grete | |
| | In the oryent with many a feyr cite | |
| | Appertenaunt vnto the maieste | |
| | Of Rome and with strenghte held hem fast | |
| | Ne neuer mighte her fomen do her flee | |
| 320 | Al the whilez that Onedakis dayes last | |
| | Her batellis who so list hem forto rede | |
| | Agayn Sapor the kyng and other mo | |
| | And how al this proces fil in dede | |
| | Why she conqueryd & what title she had therto | |
| 325 | And aftir of hir myshief and her woo | |
