| | How that she was besegid and I take | |
| | Lat hym to my maistyr Petrark go | |
| | That writtih ynow of this I vndertake | |
| | Whenne Onedack was ded she myghtily | |
| 330 | The remys held and with her owen hond | |
| | Agayns her foos she faught trewly | |
| | That ther nas prince ne kyng in al that londe | |
| | But were glad yf they that grace fonde | |
| | That she ne sholde vp on his lond werreye | |
| 335 | With her they made aliaunce be bonde | |
| | To be in pees and lete hem ryde and pleye | |
| | The Emperour of Rome Claudius | |
| | Ne hym beforn the Romayn Galiene | |
| | Ne durste neuer be so corageous | |
| 340 | Ne non ermyn ne none egipcien | |
| | Ne surrien ne non arabien | |
| | With ynne the felde that durst with her fight | |
| | Lest that she wolde hem with her hondis sleen | |
| | Or with her meyne put hem to flight | |
| 345 | In kyngis habit wente her sonys two | |
| | As heyris of here remys alle | |
| | And hermanno and titamallo | |
| | Her namys were as perciens hem calle | |
| | But ay fortune hath in her hony galle | |
| 350 | This myghty quene may no while endure | |
| | Fortune made her out of her regne falle | |
| | To wrecchidnesse and to mysauenture | |
| | Aurilian whenne that he the gouernaunce | |
