| | Of Rome cam in his hondis tweye | |
| 355 | He shoop vp on this quene to do vengeance | |
| | And with his legions he took his weye | |
| | Toward Cenobie and shortly forto seye | |
| | He made her fle and atte laste her hent | |
| | And fetherid hir & eke her childryn tweye | |
| 360 | And wan the londe & hom to Rome he went | |
| | Among othir thing that he wan | |
| | Her chare that of gold was wrought & perre | |
| | This grete Romayn this aurilian | |
| | Hath with hym lad that for men sholde se | |
| 365 | Beforn his triumphe walkid she | |
| | With goldyn cheynes on her necke hanginge | |
| | Crowned she was as aftir her degre | |
| | And ful of Perre chargid her clothinge | |
| | Allas fortune she that whilom was | |
| 370 | Dredful to kyngis and to Emperouris | |
| | Now gawrith al the pepil on her allas | |
| | And she that helmyd was in stark shouris | |
| | And wan beforce townes strong & touris | |
| | Shal on her hed now were auetremyte | |
| 375 | And she that bare the septre ful of flouris | |
| | Shal bere a distaf her cost forto quyte | |
| | O | F Melan grete Barnabo viscounte | |
| | God of delite & scorge of lumbardye | |
| | Why shulde nat I thy fortune acounte | |
| | Sithen in estat thou clombyn were so hye | |
| | Thy brothir sone that was thy dowbyl alye | |
| 710 | For he thy neuewe was and sone in lawe | |
