| | With ynne his prison made the to dye | |
| | But why ne how woot I that thou were slawe | |
| | O | F the erle Engelyn of pise the langour | |
| | Ther may no tunge telle for pite | |
| 715 | But litil out of pise stondith a tour | |
| | In whiche tour in pryson put was he | |
| | And with hym his lityl children thre | |
| | The eldist skarsly . v . yeer was of age | |
| | Allas fortune it was gret cruelte | |
| 720 | Suche briddis forto put in suche a cage | |
| | Dampned he was to deth in that prison | |
| | For roger whiche Bisshop was of pyse | |
| | Had on hym maad a fals suggestion | |
| | Thorow whiche the pepil gan on hym aryse | |
| 725 | And put hym in pryson in suche a wyse | |
| | As ye haue herd and mete & drynk he hadde | |
| | And therwith all it was ful poore & badde | |
| | And on aday it be fil that in that hour | |
| 730 | When that his mete was wont to be brought | |
| | The gailer shitte the doris of the tour | |
| | He herde it wel but he saw it nought | |
| | And in his herte ther fil a thought | |
| | That they for hunger wolde do hym to dien | |
| 735 | Allas quod he allas that I was wrought | |
| | Therwith the teris fille from his yen | |
| | His yonge sone that thre yeer was of age | |
| | Vnto his fader he sayde why do ye wepe | |
| | Whenne wol our Gayler brynge our potage | |
| 740 | Is ther no morsel breed that the do kepe | |
