| 610 | With his triumphe laureat ful hye | |
| | But on a tyme Brutus Cassius | |
| | That euiyr hadde of his high astat enuye | |
| | Ful pryuily hadde maad conspiresye | |
| | Ayens this Iulius in subtil wyse | |
| 615 | And cast the place in whiche he sholde dye | |
| | With boydekyns as I shal you deuyse | |
| | This Iulius vnto the Capitoly went | |
| | Vp on ady as he was wont to gon | |
| | And in the Capitoly anon hym hent | |
| 620 | This fals Brutus on of his foul foon | |
| | And stikyd hym with boydekyns anon | |
| | With many a wounde & thus they leet himlye . | |
| | But neuer gruntyd he at no strook but oon | |
| | Or ellis at his wo but yf his story lye | |
| 625 | So manly was this Iulius of herte | |
| | And so wel louyd estatly honeste | |
| | That thought his dedly woundis so sore smert | |
| | His mantel ouer his hippis cast he | |
| | For noman sholde se his priuyte | |
| 630 | And as he lay in dyynge on a traunce | |
| | And wiste verily that dye shulde he | |
| | Of honeste hit hadde he remembraunce | |
| | Lucan vnto this story I recomende | |
| | And to Sneton and to valery also | |
| 635 | That of this story writen word and ende | |
| | How that thyse conquerours two | |
| | Fortune was first frend & sithen foo | |
| | Noman truste vp on his fauour longe | |
