| | So ful was his corage of high emprise | |
| | Allas who shal me helpe to endite | |
| | Fals fortune and poison to dispise | |
| | The which of al this woo I wite | |
| | B | E wisedom manhood and high labour | |
| | From humbilheed and fro ryal maieste | |
| | Vp roos he Iulius the conquerour | |
| | That al the occident be londe and see | |
| | Be strengthe of hond or ellis be trete | |
| 590 | And vnto Rome made hem tributary | |
| | And sith of Rome Emperour was he | |
| | Tyl that fortune wex his aduersary | |
| | O mighty Cesar that in Thessaly | |
| | Ayens Pompeius fadir thyn in lawe | |
| 595 | That of the oryent hadde al the chiualry | |
| | As fer as that the day begynneth to dawe | |
| | They þu thorough knyghthood hast take & slawe | |
| | Saue fewe folk that with Pompeus fledde | |
| | Thorou whiche thow puttist al the orient in awe | |
| 600 | Thanke fortune that so wel the spedde | |
| | But now a litil while I wil bewayl | |
| | This Pompeius this nobil gouernour | |
| | Of Rome whiche that fley at this bataille | |
| | I say on of his men a fals traitour | |
| 605 | His hed of smoot to wynne hym fauour | |
| | Of Iulius and to hym the hed broughte | |
| | Allas Pompeye of the oryent conquerour | |
| | That fortune vnto such a fyn the broughte | |
| | To Rome agayn repeyrith Iulius | |
