The British Library Caxtons Online: Cx1, folio 306r

	Where so he cam in to the worldis ende
	Comparison myghte yet neuer be makid
	Betwix hym and another conquerour
555	For al this worlde for drede of hym hath quakid
	He was of knyghthod aud of fredom flour
	Fortune hym made the heir of high honour
	Saue wyn & wommen no thing might a swage
	His high entent in armes and labour
560	So was he ful of louynge corage
	What pite were it to hym though I you tolde
	Of darius and of a hundrid thousand mo
	Of princis . erlis . and kyngis . bolde
	Whiche he conqueryd & broughte to woo
565	I say as fer as aman may ryde or go
	The worlde was his . what sholde I more deuyse
	For though I wrrote or tolde you euyr mo
	Of his knyghthood it mighte not suffyse
	Xij . yeer he regned as I rede in Machabe
570	Philippis sone of Macedo he was
	That first was kyng of grece that countre
	O worthy gentyl Alisaunder allas
	That euyr sholde falle such acas
	Empoysond of thy folk thow were
575	Thy strong fortune hath tournyd in to an aas
	And for the ne wepte she neuer ateer
	Who shal yeue men terys to compleyne
	To the of gentilnesse and of franchyse
	That all the worlde weldid in his demeyne
580	And yet hym thoughte it mighte not suffyse

In CTP line numbering:	MO, 555
In Group (Traditional) numbering:	Group B2, 3831
In Fragment (Riverside) numbering:	Fragment VII, 2641

In CTP line numbering:	MO, 560
In Group (Traditional) numbering:	Group B2, 3836
In Fragment (Riverside) numbering:	Fragment VII, 2646

In CTP line numbering:	MO, 565
In Group (Traditional) numbering:	Group B2, 3841
In Fragment (Riverside) numbering:	Fragment VII, 2651

In CTP line numbering:	MO, 570
In Group (Traditional) numbering:	Group B2, 3846
In Fragment (Riverside) numbering:	Fragment VII, 2656

In CTP line numbering:	MO, 575
In Group (Traditional) numbering:	Group B2, 3851
In Fragment (Riverside) numbering:	Fragment VII, 2661

In CTP line numbering:	MO, 580
In Group (Traditional) numbering:	Group B2, 3856
In Fragment (Riverside) numbering:	Fragment VII, 2666