| | God dauntyd all his pryde and al his bost | |
| | For he so sore fil out of his chare | |
| 525 | That alle his lymys and his skyn to tare | |
| | So that he ne myghte go ne ryde | |
| | But in a chayer men aboute hym baar | |
| | Al for brosid bothe bak and syde | |
| | The wreche of god hym smot so cruelly | |
| 530 | That in his body wickyd wormys crept | |
| | And therwith al he stank so horribly | |
| | That none of alle his meyne that hym kept | |
| | Whethir that he wook or ellis slepte | |
| | Ne mighte not of hym the stynk endure | |
| 535 | And in this myschief he wayled & eke wepte | |
| | And knew god lord of euery creature | |
| | To al his ost and to hym self also | |
| | Ful waltsom was the stynk of his careyn | |
| | No man mighte hym bere to ne fro | |
| 540 | And in his stynk and in his horrible peyn | |
| | He starf ful wrecchidly on a mountayn | |
| | Thus hath this Robber & this homicide | |
| | That many a man made to wepe & playne | |
| | Such guerdon as belongith vnto pryde | |
| | T | He story of alisaundir is so comune | |
| | That euery wight that hath discrecion | |
| | Hath herd sumwhat or al of his fortune | |
| | This wide worlde as in conclusion | |
| | He wan / be strengthe and his renoun | |
| 550 | They were glad for pees vnto hym sende | |
| | The pryde of man and boste he leyd a doun | |
