| | And redith the proude workis that he leyde | |
| 495 | And why he fil from his prosperite | |
| | And in an hill how wrecchidly he deyde | |
| | Fortune hym hadde enhaunsid so in pryde | |
| | That verily he wende he myghte atteyne | |
| | Vnto the sterris vp on euery syde | |
| 500 | And in a balaunce to weye ech mounteyn | |
| | And alle the flodis of the se restreyn | |
| | And goddis peple hadde most in hate | |
| | Hem wolde he sle in tourment and in peyn | |
| | Wenynge that god ne myghte his pryde abate | |
| 505 | And for Nichamore and Timothe | |
| | Wiche Iewes were vencusid myghtily | |
| | Vnto the Iewes suche an hate had he | |
| | That he hadde gretthid his chare ful hastely | |
| | And swoor and saide ful despitously | |
| 510 | Vnto Ierusalem . he wolde eftsone | |
| | To wreke his Ire on it ful cruelly | |
| | But of his purpoos was he let ful sone | |
| | God for his manace hym sore smoot | |
| | With inuisibil wounde ay incurabyl | |
| 515 | That in his guttes carf so and boot | |
| | That his peynys were Importable | |
| | And certenly the wreche was vnresonabil | |
| | For many amannys guttis did he peyne | |
| | But from his purpoos cursid & dampnabil | |
| 520 | For al his smert . he nolde hym restreyne | |
| | But bad anon pareylen his oost | |
| | And sodenly or he than was waar | |
