| | W | As neuyr Capteyn vnder a kyng | |
| | That regnes mo put in subiection | |
| | Ne strenger was in feld of alle thing | |
| | As in his tyme ne gretter of renoun | |
| | Ne more Pompous in high presumpcion | |
| 470 | Than Olophern whiche fortune atte laste | |
| | So licorously ladde hym vp and doun | |
| | Til that he ded was or that he wiste | |
| | Not only that this worlde hadde of hym awe | |
| | For lesing of riches and liberte | |
| 475 | But he made euery man reneye his lawe | |
| | Nabugodonosor was lord saide he | |
| | None other god sholde honoured be | |
| | Ayens his heste ther dar no wight trespas | |
| | Sane in Betulia a strong cyte | |
| 480 | Where Eliachim was prest of that place | |
| | But take kepe of the deth of Olophern | |
| | Amyd his ost he dronke lay al nyght | |
| | With ynne his tente large as is a bern | |
| | And yet for al his pompe and al his myght | |
| 485 | Iudith a womman as he lay vpright | |
| | Slepinge his hed of smoot & fro his tente | |
| | Ful pryuely she stale from euery wight | |
| | And to the cyte she hath it sente | |
| | W | Hat nedith it of kyng Antiochus | |
| 490 | To telle his high and ryal maieste | |
| | His high pryde his werk venemus | |
| | For such another man nas neuyr as he | |
| | Redith what that he was in Machabe | |
