| | And trade as ofte or it was pryme | |
| | He lokith as he were a grym lioun | |
| 360 | And on his toos he romed vp an doun | |
| | Hym deyned not to sette his feet to grounde | |
| | Ay he chuckid whenne he hadde a corn y founde | |
| | And to hym thanne ran his wyuys alle | |
| | As ryal as a prince in his halle | |
| 365 | Leue I this chauntcleer in his pasture | |
| | And aftir wol I telle of his auenture | |
| | Whan the moneth in the whiche the worlde began | |
| | That highte march that god first made man | |
| | Was complet and passid were also | |
| 370 | Sith marche began thritty dayes and two | |
| | Befil that chauntecleer in al his pryde | |
| | His seuyn wyuys walkyng hym beside | |
| | Cast vp his yen to the bright sonne | |
| | That in the signe of taurus was I ronne | |
| 375 | Twenty degrees & oon and sumwhat more | |
| | He knew be kynde and be non other lore | |
| | That it was pryme & crew with a blisful steuyn | |
| | The sonne he sayde is clombe vp to heuyn | |
| | Fourty degrees & one & sumwhat more I wys | |
| 380 | Madame Pertelote my worldis blis | |
| | Harkyn how this blisful briddis synge | |
| | And se the fressh flouris how they sprynge | |
| | Ful is myn herte of reuel and solas | |
| | But sodenly hym fil a sorouful caas | |
| 385 | For euer the latter ende of ioye is woo | |
| | And comynly often tyme it fallith so | |
