| 590 | A verry pestilence vp on you falle | |
| | Now am I come vnto this wodis side | |
| | Magre your hed the cok shal here abyde | |
| | I wol hym ete in feith and that anon | |
| | The fox answerde in feith it shal be doon | |
| 595 | And as he spak the word al sodenly | |
| | This cok brak from his mouth deliuerly | |
| | And high vp on a tree he fly anon | |
| | And whenne the fox saw that he was goon | |
| | Alas quod he o chauntecler alas | |
| 600 | I haue do to you gret trespas | |
| | In as muche as I made you a ferde | |
| | Whenne I you hente & broughte out of your yerde | |
| | But syre I did hit not in no wickid entent | |
| | Com doun & I shal telle you what I ment | |
| 605 | I shal you say soth so god helpe me so | |
| | Nay thanne quod he I shrewe vs bothe two | |
| | And first I shrewe my self bothe blood & bonys | |
| | Yf thou begyle me ofter thanne onys | |
| | Thou shalt nomore with thy flaterye | |
| 610 | Do me synge with a wynkyng ye | |
| | For he that wynketh whanne he sholde se | |
| | As wisly god lete hym neuyr the | |
| | Nay quod the fox god yeue hym myschaunce | |
| | That is so vndiscrete of gouernaunce | |
| 615 | That iangelith when that he sholde haue pees | |
| | Lo suche it is forto be recheles | |
| | And negligent and truste on flaterye | |
| | But ye that holdyn this tale a folye | |
