| 235 | Wost thou wherfore a Rakil tonge seruith | |
| | Right as a swerd for cuttith and forkeruith | |
| | An arm a two my dere sone right so | |
| | A tonge cuttith frendship al a two | |
| | A Iangelar is to god abhominabil | |
| 240 | Rede Salamon so wyse and honourabil | |
| | Rede Dauid and his psalmys rede Seneke | |
| | My sone spek not ne with thy hed thou beke | |
| | Dissimyl as thou were deef yf that thou here | |
| | The Iangelour spekith of parlous matere | |
| 245 | The flemyng saith lerne yf that thou list | |
| | That litil Iangelyng causith muche rest | |
| | My sone yf thou no wickid word hast said | |
| | The dar not drede for to be by wraid | |
| | But he that hath myssaid I dar wel sayn | |
| 250 | He may by no way clepe his word agayn | |
| | Thing that is said / is said & forth it goth | |
| | Though hym repente or hym be neuer so loth | |
| | He is thralle to hym to whom he hath said | |
| | A tale for whiche he is now euyl apaid | |
| 255 | My son bewaar and be non auctor newe | |
| | Of tidingis whethir they be fals or trewe | |
| | Where so thou come among hye or lowe | |
| | Kepe wel thy tonge and think on the crowe | |
| | ¶ Here endith the Maunciplis tale . | |
| | ¶ Here begynneth the Parsonnys prolog | |
| | B | Y that the Mauncipil had his tale endid | |
| | The sonne fro the south syde is descendid | |
| | So lowe that hit was to my sight | |
