| | Degrees of fyue and twenty of highte | |
| 5 | Ten atte clocke it was so as I gesse | |
| | For enleuyn foot a litil more or lesse | |
| | My shadow was at that tyme as there | |
| | Of suche feet as my lengthe partid were | |
| | In . vj . feet equally of proporcion | |
| 10 | Ther with the monys exaltacion | |
| | I mene libra alwey gan ascende | |
| | As we were entring atte townys ende | |
| | For whiche our ost as he was wont to gye | |
| | As in this caas this ioly companye | |
| 15 | Sayde in this wyse lordingis euerichon | |
| | Now lakkith vs no tale more than on | |
| | Fulfillid is my sentence and my decre | |
| | Who wol now telle a tale let se | |
| | Almost fulfillid is myn ordenaunce | |
| 20 | I pray to god so yeue hym right good chaunce | |
| | That tellith this tale to vs lustely | |
| | Sire preest quod he art thou a vicary | |
| | Or art thou a parson say soth be thy fey | |
| | Be what thou be breke not our pley | |
| 25 | For euery man saue thou hath told his tale | |
| | Vnbokil and shew vs what is in thy male | |
| | For trewly me thynkith be thy chere | |
| | Thou sholdest knytte vp wel a greet matere | |
| | Tel vs a fabil anon for cokkis bonys | |
| 30 | This Parson answerde al attonys | |
| | Thou getist fabil non told for me | |
| | For Poule that writith to Timothe | |
