| | For whom ye haue this strif and this Ielousy | |
| | Ye woot your self ye may not wedde two | |
| | At onys theygh ye fighte euer mo | |
| | That one of you al be hym loth or lef | |
| 980 | He mot go pype in an Iuy lef | |
| | This is to say she may not haue bothe | |
| | Al be ye neuer so ielous and so lothe | |
| | And for thy I you put in this degre | |
| | That eche of you shal haue his destene | |
| 985 | As hym his shapyn and herkyn in what wyse | |
| | Lo here youre ende of that I shal deuyse | |
| | My wil is this for plat conclusion | |
| | Withoute ony replicacion | |
| | Yf that you likith take it for the beste | |
| 990 | That euerich of you shal go where him liste | |
| | Frely withoute Raunson or daunger | |
| | And this day fifty wikes fer ne neer | |
| | Euerich of you shal bringe an hundred knightis | |
| | Armed for listys vp alle rightis | |
| 995 | Alredy to darreyne here be batayll | |
| | And this behote I yow withoute fayll | |
| | Vpon my trowthe & as I am trew knyght | |
| | That whethir of you bothe hath that migh | |
| 1000 | May with his hundred as I spak of now | |
| | That is to sey whethir he or thow | |
| | Sle his contrary or out of listys dryue | |
| | Hym shal I yeue Emely to wyue | |
| | To whom that fortune yeueth so fair a gra | |
| | The listis shal I make on this place | |
