| | soth god wol not receyue vs to his loue that ben his ene- | |
| | myes / 450 Ayenst thre maner wrongis that his enemy doth to | |
| | hym he shal do thre thingis as thus / 451 ayenst hate & rancour | |
| | of herte he shal loue hym in herte / ayenst chyding and wic | |
| | ked wordes he shal praye for his enemye / ayenst the wicked | |
| | dede of his enemye he shal do hym bounte . 452 For Crist saith | |
| | loueth your enemyes and praieth for hem that spekith you | |
| | harm and eke for hem that you chasen and poursuen and | |
| | do bounte to hem that you haten / Lo thus comaundeth vs | |
| | our lord Ihesu Crist to doo to our enemyes 453 For soth nature | |
| | dryueth vs to loue our frendes / And parfey our enemyes | |
| | haue more nede to loue than our frendes / And they that | |
| | more nede haue / Certes to hem shal we do goodnes / 454 and | |
| | certes in that dede haue remembraunce of the loue of Ihesu | |
| | Crist that deyde for his enemyes / 455 And for as muche as | |
| | that loue is the more greuous to perfourme / so muche is | |
| | more greet the meryte / And therfore the louyng of our | |
| | enemy hath confounded the venym of the deuyl / 456 For right | |
| | as the deuyl is scomfyted by humylyte / Right so is he | |
| | wounded to the deth by the loue of our enemye / 457 Certis | |
| | than is loue medicyn that chaceth out the venym of en- | |
| | uye fro mannys herte . | |
| | |
| | ¶ Sequitur de Ira . | |
| 459 | A | fter enuye wol I declare of the synne of Ire . | |
| | Forsoth he that hath enuye vpon his neyghebour / anon comyn- | |
| | ly wyl fynde hym mater of wrathe in word or in dede / ayenst | |
| | hym to whom he hath enuye 460 for sothly he that is proud or | |
| | enuyous is lightly wroth / 461 This synne of Ire after dis- | |
| | criuyng of seynt Austyn is wickid will to be auengid | |
| | | |
