| 1150 | The colde deth with mouth gapynge vp right | |
| | A myddyl of the tempil sat myschaunce | |
| | With discomfort and sory contenaunce | |
| | Yet saw I woodnesse lawghyng in his rage | |
| 1160 | The hunter strangled with the wilde boris corage | |
| | The sowe fretyng the child in the cradil | |
| | The cook I scalded for his longe ladil | |
| | Nought foryetyn was the infortune of Mars | |
| | The carter ouer riden with his owen hors | |
| 1165 | Vnder the wheel ful lowe he lay adoun | |
| | There were also of martirs destructioun | |
| | The barbour the boteler and the smyth | |
| | That forged sharpe swerdis in the stith | |
| | And al aboue depeynted in a tour | |
| 1170 | The high conquest sittynge in gret honour | |
| | With the sharp swerd ouer his hed | |
| | Hangynge be a subtil twyned thred | |
| | Depeynted was there the slaughtir of Iulius | |
| | O grete Nero and of antonius | |
| 1175 | Al be that tyme they were vnborn | |
| | Yet was her deth peynted there beforn | |
| | Be manassynge of Marce right be figure | |
| | So was it shewd right be portreture | |
| | As it is depaynted in the serelis aboue | |
| 1180 | Who shal be sleyn or ded for loue | |
| | Suffiseth on ensampyl in storyes olde | |
| | I may not rekene alle though I wolde | |
| | The statu of Marce vp on a carte stood | |
| | Armyd and lokyd grym as he were wood | |
