| | Her maidens that with hir thider were lad | |
| | Ful redely with hem fair clothis they had | |
| | Theseus clothis and the remeaunt al | |
| 1420 | That to the sacrifise longyn shal | |
| | The hornes ful of methe as was the gyse | |
| | There lackyd nought to don hir sacrifise | |
| | Smokyng the tempyl ful of clothis feir | |
| | This Emely with hert deboneir | |
| 1425 | Her body with water in a welle | |
| | But how she did there I dar not telle | |
| | But hit be ony thing in general | |
| | And yet it were a game to here it al | |
| | To hym that meneth wel it were no charge | |
| 1430 | But it is good aman to be at his large | |
| | Her bright heer was kempt and vntressed al | |
| | And a crowne of grene oke serial | |
| | Vp on her hed set ful fair and mete | |
| | Two firis on the anter gan she bete | |
| 1435 | And dyde here thynges as men may be holde | |
| | In state of Thebes and in bokis olde | |
| | When kyndeled was the fyre with pitous chere | |
| | Vnto dyane she spak as ye may here | |
| | O chast goddesse of the wode grene | |
| 1440 | To whom bothe heuene and erthe & see is sene | |
| | Quene of the regne of pluto derk and lowe | |
| | Goddesse of maydens that my hert hast knowe | |
| | Ful many a yeer and wotist what I desire | |
| | As keep me fro the vengeaunce of thy fyre | |
| 1445 | That atheon aboughte trewly | |
