| 1825 | From pluto sent atte request of saturne | |
| | For whiche his hors for feer gan to turne | |
| | And lepte a syde and foundryd as he lepe | |
| | And or that arcite may take kepe | |
| | He pighte hym on the pomel of his hed | |
| 1830 | That in the place he lay as he were ded | |
| | His brest to brosten with his sadyl bowe | |
| | As blak he lay as ony cole or crowe | |
| | So was the blood ronne in his face | |
| | Anon he was born out of the place | |
| 1835 | With herte sore to Theseus paleys | |
| | Tho was he coruyn out of his harneis | |
| | And in a bed brought ful feyre and bliue | |
| | For he was yet in memory and alyue | |
| | And alwey cryynge aftir Emelye | |
| 1840 | Duke Theseus with al his companye | |
| | Is come hom to athenes his cyte | |
| | With al blis and gret solempnite | |
| | Al be it that this auenture was falle | |
| | He nolde not discomforte hem alle | |
| 1845 | Men sayde eke that arcite sholde not dye | |
| | He sholde be helid of his maladye | |
| | And of another thing they were feyn | |
| | That of hem alle ther was non sleyn | |
| | Alle were they sore hurt and namely one | |
| 1850 | That with a spere was thrilled the brestbone | |
| | The othir woundis and the broke bones | |
| | Some hadde saluys made for the nones | |
| | Formaces of herbes and eke sane | |
