| | Ne non shal lenger vnto his felaw gone | |
| | I wil be trewe Iuge and not party | |
| 1800 | Arcite of thebes shal haue Emely | |
| | That by his fortune hath her feir I wonne | |
| | Anon ther is anoyse of pepil begonne | |
| | For ioye of this so loude and high with al | |
| | That it semed that ye listys sholde fal | |
| | W | Hat can now faire venus done aboue | |
| | What saith she what doth the quene of loue | |
| | But wepith so for wantyng of hir wil | |
| | Til that her teris in the listys fil | |
| | She sayde I am a shamed doutlees | |
| 1810 | Satorne sayde doughter hold thy pees | |
| | Marce hath his wil the knyght hath his bone | |
| | And by my hood thou shalt be esed sone | |
| | The trompettis with the lowd mynstralsie | |
| | The herowdes that ful lowde houle and crye | |
| 1815 | Bene in her ioye for the weel of dane arcite | |
| | But herkeneth me and styntith alite | |
| | Whiche a mirakil ther be fil anone | |
| | This ferce arcite hath his helm of done | |
| | And on a courser forto shewe his face | |
| 1820 | He pryked endlong the large place | |
| | Lokyng vpward vp on this Emelye | |
| | And she agayn hym cast a frendly ye | |
| | For wommen forto speke of comune | |
| | They folow alle the fauour of fortune | |
| | And was al in his chere as in his hert | |
| | Out of the ground a fire infernal stert | |
