| | In surry with a greet solempne route | |
| 290 | And hastely this Sowdan sente his sonde | |
| | First to his moder and to al the regne aboute | |
| | And sayde his wyf was come withoute doute | |
| | And preyde her to ryde ayens the quene | |
| | The honour of his regne to sustene | |
| 295 | Greet was the prees and riche was the aray | |
| | Of surriens and of Romayns met in fere | |
| | The moder of the sowdon riche and gay | |
| | Resceyuyth hir with al glad chere | |
| | As ony moder myghte her doughter dere | |
| 300 | And to the nexte cyte there beside | |
| | A softe paas solempuly they ride | |
| | Nought trow I the triumphe of Iulius | |
| | Of whiche that lucan makith suche a boost | |
| | Was ryallour ne more corious | |
| 305 | Than was the assemble of this blisful ost | |
| | But this scorpion this wicked gost | |
| | The sowdonnesse for al hir flaterynge | |
| | Cast vnder this ful mortally to stynge | |
| | The sowdon comyth hym self sone aftir this | |
| 310 | So rially that wonder was to telle | |
| | And welcomyth hir with ioye and blis | |
| | And thus with ioye and blis I lete hem dwelle | |
| | The fruyt of euery tale is forto telle | |
| | Man thoughte it when tyme cam for the best | |
| 315 | That reuel to stynt and men to go to reste | |
| | The tyme cam this olde Sowdonnesse | |
| | Ordeyneth hath this feste of whiche I tolde | |
