| | He knew verily that it was she | |
| | And for sorow as doumb stondith as a tre | |
| | So was her herte shit in her distresse | |
| | Whan she remembrith of his vnkyndenesse | |
| 960 | Twys she swownyth in his owen sighte | |
| | He wepte and hym excusid pitously | |
| | Now god quod he and his halowis bright | |
| | So wisly on my soule haue mercy | |
| | That of your harm as giltles am I | |
| 965 | As is my sone Maurice so lik your face | |
| | Ellis the fend me fecche out of this place | |
| | Longe was the sobbyng & the bitter peyn | |
| | Er that her woful herte myghte sece | |
| | Greet was the pyte forto here hem compleyn | |
| 970 | Thorou whiche pleyntis gan her wo encrece | |
| | I pray you alle my labour to relece | |
| | I may not telle her wo vntil to morow | |
| | I am so wery forto speke of sorow | |
| | But finally whan the soth is wist | |
| 975 | That alla giltlees is of hir wo | |
| | I trow an hundred tymes they bekyste | |
| | And suche a blisse is there betwix hem two | |
| | That saue the ioye that lastith euer mo | |
| | Ther nys noon I lik that ony creature | |
| 980 | Hath seye or shal whylis the worlde may dure | |
| | Tho preyde she her husbonde mekely | |
| | In relesynge of her pitous peyne | |
| | That he wolde pray her fader specially | |
| | That by his mageste he wolde enclyne | |
