| | Were it as thicke as a braunchid ook | |
| | And what man it woundith with the strook | |
| | He shal neuer be hool til ye list of grace | |
| | To stroke hym with the plat in the same place | |
| 155 | There he is hurt that this is as mykyl to sayn | |
| | Ye moot with the plat swerd agayn | |
| | Stroke hem in the wounde and it wol close | |
| | This is a verray soth withouten glose | |
| | It fayleth not whylis it is in your holde | |
| 160 | And when the knyght hath thus his tale told | |
| | He roood out of the halle and doun he lighte | |
| | His stede whiche that shoon as the sonne bright | |
| | Stont in the court stille as ony stoon | |
| | This knyght in to his chambir is led anon | |
| 165 | And is vnarmed and to mete y sette | |
| | The presentis be right richely kept | |
| | This is to say the swerd and the myrour | |
| | Been born anon in to the tour | |
| | With certeyn officers ordeyned therfore | |
| 170 | And vnto Canace this ring is bore | |
| | Solempuly there she sat at the tabyl | |
| | But sikirly withouten ony fabyl | |
| | The hors of bras that may not be remeuyd | |
| | It stont as it were in the grounde y cleuyd | |
| | For none engynys wyndas ne polyue | |
| 175 | They may hit out of the place dryue | |
| | And cause why for they con not the craft | |
| | And therfore in the place they haue it laft | |
| | Til that the knyght haue taught hem the manere | |
