The British Library Caxtons Online: Cx1, folio 101v

	And sayde he lied for it was rathir lik
210	An apparence maad be som magik
	As iogelours pleyn at the festis grete
	Of sondry thoughtis thus they iangil & trete
	As lewd pepyl demen al day comonly
	Of thingis that been maad more subtilly
215	Than they konne in here boundis comprehende
	They demyn gladly to the badder ende
	And some of theym wondrid on the myrour
	That born was vp in to the maistir tour
	How men myghte in it suche thingis se
220	An other answerde and sayde it may wel be
	Naturelly made by composicions
	Of aungelis and of sly reflections
	And sayde that in Rome was suche on
	They spak of alteon and of vitelon
225	And of Aristotill that writin in her liuys
	Of queynte myrours and of prospectatiuis
	As knowe they that haue her bokis herd
	And othir folk haue wondrid on the swerd
	That wol perissh thorough euery thing
230	And fil in speche of Thelephus the kyng
	And of Achilles for his queynte spere
	For he coude with it bothe hele and dere
	Right in suche wyse as men may with the swerd
	Of whiche right now ye haue your self herd
235	They speken of sondry hardyng of metal
	And speken of medicines therwith al
	And how and whan it sholde hardid be

In CTP line numbering:	SQ, 210
In Group (Traditional) numbering:	Group F, 218
In Fragment (Riverside) numbering:	Fragment V, 218

In CTP line numbering:	SQ, 215
In Group (Traditional) numbering:	Group F, 223
In Fragment (Riverside) numbering:	Fragment V, 223

In CTP line numbering:	SQ, 220
In Group (Traditional) numbering:	Group F, 228
In Fragment (Riverside) numbering:	Fragment V, 228

In CTP line numbering:	SQ, 225
In Group (Traditional) numbering:	Group F, 233
In Fragment (Riverside) numbering:	Fragment V, 233

In CTP line numbering:	SQ, 230
In Group (Traditional) numbering:	Group F, 238
In Fragment (Riverside) numbering:	Fragment V, 238

In CTP line numbering:	SQ, 235
In Group (Traditional) numbering:	Group F, 243
In Fragment (Riverside) numbering:	Fragment V, 243