| | Quod Canace vnto this hauke aboue | |
| | Is this sorow of deth or ellis of loue | |
| | For as I trow thyse been the causis two | |
| | That causith most a gentil herte wo | |
| 445 | Of other harm it reckith not to speke | |
| | For your self vp on your self wolde wreke | |
| | Whiche that preuyth wel that other Ire or drede | |
| | Mot be encheson of your cruel dede | |
| | Syn that I se non other wight you chace | |
| 450 | For loue of god so do your self grace | |
| | Or what may be your help for west ne est | |
| | Saw I neuyr or now brid nor best | |
| | That ferde with hym self so pitously | |
| | Ye sle me with your sorow verily | |
| 455 | I haue of you so gret compassion | |
| | For goddis loue com fro the tre a doun | |
| | And as I am a kynges doughter trewe | |
| | If that I verily the causis knewe | |
| | Of your disese yf that it lay in my myght | |
| 460 | I wolde amende it or it were nyght | |
| | As wis helpe me grete god of kynde | |
| | And herbis shal I right ynowe fynde | |
| | To hele with your hurtis hastely | |
| | Tho shright this faucon more pitously | |
| 465 | Than euer she did and fyl to grounde anon | |
| | And lith aswowne as ded as ony stoon | |
| | Tyl Canace hath in her lappe y take | |
| | Vnto tyme she gan out of her swowne a wake | |
| | And aftir that she out of swoun gan brayde | |
