| | And thus I lete hym sitte in the piry | |
| | And Ianuary with May yong and mery | |
| | B | Right was the day & blew the firmament | |
| | Phebus of gold / doun his bemys hath sent | |
| | To gladen euery flour with his warmnesse | |
| | He was that tyme in geminis as y gesse | |
| | But litil fro his declinacion | |
| 980 | Of cansere of Iouis exaltacion | |
| | And so it fill that in a bright morow tide | |
| | That in the gardy on the ferthir side | |
| | Pluto that is kyng of the fairye | |
| | And many a lady in his companye | |
| 985 | Folowing his wyf the quene Preserpina | |
| | Whiche that hir rauysshed out of pina | |
| | Whilis that she gadrid flouris in a mede | |
| | In claudian ye may the stories rede | |
| | How in his grisly carte he her sette | |
| 990 | This kyng of feyre adoun hym sette | |
| | Vp on a benche of turues fair and grene | |
| | And right anone sayde he thus to his quene | |
| | My wyf quod he ther may no wight say nay | |
| | The experience prouith it euery day | |
| 995 | The treson whiche that women to do men | |
| | Ten hundrid thousand tellyn I can | |
| | Ensamples and of your vntrouth & brotilnes | |
| | O Salamon richest of alle riches | |
| | Fulfilled of sapience and of wordly glorye | |
| 1000 | Wel worthy be thy wordis in memory | |
| | To euery wight that wit and reson can | |
