The British Library Caxtons Online: Cx1, folio 132v

	Then were they maad vpon a creature
	To purge hym and eke to engendrure
135	But I say not this as y you tolde
	That euery wight that hath suche harneis is holde
	To go and vse hem in engendrure
	Than sholde men of chastite take no cure
	Crist was a mayde and shapyn as a man
140	And many an holy saynt sith the worlde began
	Yet liuyd they euer in parfit chastite
	But I nyl enuye non virginite
	Leet hem with bred of pured whete befed
	And lete vs vsen hoot barly bred
145	And yet with barly bred men telle can
	Our lord Ihesus refresshid many a man
	In swhich astat as god hath clepid vs
	I wyl perseuere I am not precious
	In wyf hood wyl I vse myn instrument
150	As frely as my maker hath it sent
	If I be daungerous god yeue me sorow
	Whether he wyl at eue or a morow
	Whan that hym list com forth and pay his dette
	An husbond wol y haue y wol not lette
155	That shal be bothe my dettour and my thral
	And I his tribulacion with al
	Duringe the whyle that I am his wyf
	The power wol I haue during al my lif
	Both of his propir body and nat he
160	Right thus the apostel tolde it me
	And bad our husbondis forto loue vs weel

In CTP line numbering:	WBP, 135
In Group (Traditional) numbering:	Group D, 135
In Fragment (Riverside) numbering:	Fragment III, 135

In CTP line numbering:	WBP, 140
In Group (Traditional) numbering:	Group D, 140
In Fragment (Riverside) numbering:	Fragment III, 140

In CTP line numbering:	WBP, 145
In Group (Traditional) numbering:	Group D, 145
In Fragment (Riverside) numbering:	Fragment III, 145

In CTP line numbering:	WBP, 150
In Group (Traditional) numbering:	Group D, 150
In Fragment (Riverside) numbering:	Fragment III, 150

In CTP line numbering:	WBP, 155
In Group (Traditional) numbering:	Group D, 155
In Fragment (Riverside) numbering:	Fragment III, 155

In CTP line numbering:	WBP, 160
In Group (Traditional) numbering:	Group D, 160
In Fragment (Riverside) numbering:	Fragment III, 160