| 250 | And yf she be high and of riche parage | |
| | Thow saist that it is a very turmentry | |
| | To suffre hir pryde and hir malencoly | |
| | And yf she be fair thow verry knaue | |
| | Thou saist that euery harlot wol her haue | |
| 255 | She may no whyle in chastite abyde | |
| | That is assaylid on euery syde | |
| | Thow sayst som folk desire vs for riches | |
| | Some for our shap & some for our fairnes | |
| | And some for she can othir singe or daunce | |
| 260 | And some for gentilnes or for daliaunce | |
| | Som for her hondis and legges smale | |
| | Thus goth al to the deuyl be thy tale | |
| | Thow sayst men may kepe a castel wal | |
| | It may so longe assaylid be ouyr al | |
| 265 | And yf she be foul thou sayst that she | |
| | Coueytith euery man that she may se | |
| | For as a spaynel she wol on hym lepe | |
| | Til she may fynde som man her to chepe | |
| | Ne non so grey goos goth ther in the lake | |
| 270 | As sayst thow be wyl withoute her make | |
| | And sayst it is an hard thyng forto welde | |
| | A thing that noman wol his thank helde | |
| | Thus sayst thou lorel whan thou gost to bedde | |
| | And that no wyse man nedith forto wedde | |
| 275 | Ne noman that entendith vnto heuyn | |
| | With wilde thundir dynt and fyre leuyn | |
| | I pray god moot thyn necke al to breke | |
| | Tho sayst a dropping hous and eek smeke | |
