| | Approchid that the weddinge sholde be | |
| | And al the Paleis put was in aray | |
| | Bothe halle and chambris ech in his degre | |
| | Housis of office stuffid with greet plente | |
| 265 | There maist thou se of deynteous vitaylle | |
| | That may befounden as for as lastith Itayle | |
| | This ryal Markis richely araid | |
| | Lordis and ladies in his companye | |
| | The whiche that to the feste were praid | |
| 270 | And of his retenu the bachelrye | |
| | With many a sown of sundry melodye | |
| | Vnto the vilage of whiche I tolde | |
| | In this aray the right wey they holde | |
| | Grisilde of this god woot ful Innocent | |
| 275 | That for her shapyn was al this aray | |
| | To fette watir atte welle is she went | |
| | And comyth hoom as sone as euer she may | |
| | For wel she herde say that ilke day | |
| | That the Markis sholde wedde & yf she mighte | |
| 280 | She wolde fayne haue seyn som of that sighte | |
| | She thoughte she wolde with othir maidens stonde | |
| | That been my felowes in our dore and se | |
| | The Markesse and therfore wol I fonde | |
| | To doon at hoom as sone as it may be | |
| 285 | The labour whiche longeth to me | |
| | And than y may at leyser here beholde | |
| | Yf she this wey vnto the castel holde | |
| | And as she wolde ouer the thresshold goon | |
| | The Markis cam and gan her forto calle | |
