| 290 | And she set doun her watir pot anone | |
| | Besidis the threshold in an oxis stalle | |
| | And doun vp on her knees she gan to falle | |
| | And with sad contenaunce knelid stylle | |
| | Til she hadde herd what was the lordis wille | |
| 295 | This thoughtful Markis spak vnto the mayde | |
| | Ful sobirly and sayde in this manere | |
| | Where is your fadir o Grisildis he sayde | |
| | And she with reuerence and humble chere | |
| | Answerde lord he is al redy here | |
| 300 | And in she goth withouten lengir let | |
| | And to the Markis she her fader fet | |
| | He by the hond than took this olde man | |
| | And sayde thus when he had hym a syde | |
| | Ianycula I ne may ne I ne can | |
| 305 | The plesaunce lenger of my herte hyde | |
| | Yf that thou vouchesauf what so betyde | |
| | Thy doughter wol I take or that I wende | |
| | As to my wyf vnto our lyuys ende | |
| | Thow louest me I woot it wel certayn | |
| 310 | And art my feithful liege man bore | |
| | And al that likith me I dar wel sayn | |
| | It likith the and specially therfore | |
| | Tel me that poynt that I sayde before | |
| | And yf thou wolt vnto that purpos drawe | |
| 315 | To take me as for thy sone in lawe | |
| | This sodeyn caas this man was stoned so | |
| | That reed he wext a basshid and al quakyng | |
| | He stood vnnethe sayde he wordis mo | |
