| | But only thus lord quod he my willynge | |
| 320 | Ys as ye wil nat ageyns your likynge | |
| | I wol no thyng / ye be my lord so dere | |
| | Right as you list gouernyth this matere | |
| | Yet wol I quod this Markis softely | |
| | That in your chambir I ye and she | |
| 325 | Haue a collacion and wotist thou why | |
| | For I wol axe yf it here wil be | |
| | To be my wyf and reule her aftir me | |
| | And al this shal be do in thy presence | |
| | I nyl not speke out of thyn audience | |
| 330 | And in the Chambir whyle they were aboute | |
| | Her tretees whiche ye shal as after here | |
| | The pepyl cam in to the hous al withoute | |
| | And wondrid hem in how honest manere | |
| | And she so tentifly kepte her fader dere | |
| 335 | But vtterly Grisilde wondre mighte | |
| | For neuer erst saw she such a sighte | |
| | No wonder it was though she were stoned | |
| | To se so greet a gest come in that place | |
| | She neuer was to suche gestis y woned | |
| 340 | For whiche she lokid with ful paal face | |
| | But shortly this mater forto chace | |
| | These ben the wordis that the Markis sayde | |
| | To this verry benigne feithful mayde | |
| | Grisilde he sayde ye shulle wel vnderstonde | |
| 345 | It likith vnto your fader and vnto me | |
| | That I you wedde and eke it may so stonde | |
| | As I suppose that ye wil that it so be | |
