The British Library Caxtons Online: Cx1, folio 18v

	And in his armes he hem alle vp hent
100	And hem comforted in ful good entent
	And swore his oth as he was trewe knyght
	He wolde do so ferforth his myght
	Vp on the tiraunt Creon hym to wreke
	That al the pepyl of grece sholde speke
105	How Creon was of Theseus y serued
	As he that hath his deth wel deserued
	And right anon withouten more abood
	His baner he displayde and forth he rood
	To Thebes ward and al his oste besyde
110	No ner Athenes nolde he goo ne ryde
	Ne take his ese nat fully half aday
	But on in his wey that nyght he lay
	And sente anon Ipolita the quene
	And Emely hir yonge sustir shene
115	Vnto the toun of Athenes to dwelle
	And forth he rideth ther is nomore to telle
	H	E rood the statu with spere and targe
		So shyneth in his whit baner large
	That alle the feldis gliteren vp and doun
120	And be his baner born is his penon
	Of gold ful riche in whiche therwas I bete
	The Mytan whiche he wan in crete
	This riche duke this riche conquerour
	And in his oste of chiualrye the flour
125	Tyl that he cam to Thebes and a lighte
	Fer in a feld there as he thoughte to fighte
	But shortly to speke of this thyng

In CTP line numbering:	KT, 100
In Group (Traditional) numbering:	Group A, 958
In Fragment (Riverside) numbering:	Fragment I, 958

In CTP line numbering:	KT, 105
In Group (Traditional) numbering:	Group A, 963
In Fragment (Riverside) numbering:	Fragment I, 963

In CTP line numbering:	KT, 110
In Group (Traditional) numbering:	Group A, 968
In Fragment (Riverside) numbering:	Fragment I, 968

In CTP line numbering:	KT, 115
In Group (Traditional) numbering:	Group A, 973
In Fragment (Riverside) numbering:	Fragment I, 973

In CTP line numbering:	KT, 120
In Group (Traditional) numbering:	Group A, 978
In Fragment (Riverside) numbering:	Fragment I, 978

In CTP line numbering:	KT, 125
In Group (Traditional) numbering:	Group A, 983
In Fragment (Riverside) numbering:	Fragment I, 983