| | For the occident hadde reft the sonne her light | |
| 310 | This is as muche to say as it was nyght | |
| | And hoom they goon in ioye and solas | |
| | Saue only wrecchid Aurilius allas | |
| | He to his hous is goon with sorowful hert | |
| | He saith that he ne may from his deth astert | |
| 315 | He saith that he felith his herte cold | |
| | Vnto heuyn his hondis he gan holde | |
| | And on his knees bare he set hym doun | |
| | And in Rauynge said this orison | |
| | Fer verry woo out of his wit he brayde | |
| 320 | He nyste what he spak but thus he sayde | |
| | With pitous herte his pleynt hath begonne | |
| | And his prayer made first to the sonne | |
| | He said Appollo god and gouernour | |
| | Of euery planet herbe tre and flour | |
| 325 | That yeuyst aftir thy declinacion | |
| | To eche of hem his tyme and his seson | |
| | And thyn herborow chaungith lowe and hye | |
| | Therfore my lord cast ye your ye | |
| | On wrecchid Aurily whiche am but lorn | |
| 330 | Lo lord my lady hath my deth sworn | |
| | Withouten ony gilt but thy benignite | |
| | Vp on my dedly herte haue som pyte | |
| | But wel I woot Phebus yf ye list | |
| | Ye may me helpe saue my lady best | |
| 335 | Now vouchauf that I may you deuyse | |
| | How that I may be holpen and in what wyse | |
| | Your blisful sustir Lucyna the shene | |
