| | There as he shone ful paal I dar wel sayn | |
| | The bittir frostis with the slit of Rayn | |
| | Destroid hath the grene in euery yerd | |
| | Iamis sit by the fyre with dowbyl berde | |
| 545 | And drynketh of his bugil horn the wyne | |
| | And aftir this ale bothe good and fyn | |
| | And nowel cryeth euery lusty man | |
| | Aurilius doth al that he can | |
| 555 | To wayte a tyme of his conclusion | |
| | This is to say to make illusion | |
| | Be suche apparent Iogelrye | |
| | I can no termys of astrologie | |
| | They shewde that euery wight sholde wene & say | |
| 560 | That of Britayne the Rockis were away | |
| | Or ellis they were sonkyn vnder the grounde | |
| | So at the laste he hath his tyme y founde | |
| | To make his Iape and his wrecchidnes | |
| | Of suche a supersticion of cursidnes | |
| 565 | His tablis tolentanes forth he brought | |
| | Ful weel correctid it lackid nought | |
| | Neythir his colet ne his expans yeris | |
| | Ne his rotis ne his othir geris | |
| | And by his centris and his argumentis | |
| 570 | And his proporcinel contentis | |
| | For his equacions in euery thing | |
| | And by his eygth speere in his workyng | |
| | He knew ful weel how fer anath was sowe | |
| | Fro the hed of that fixe aries bowe | |
| 575 | That in the . iij . spere considerid is | |
