| | Tiburce answerde and sayde brother dere | |
| | First tel me whethir I shal and to what man | |
| | To whom qd he com forth with right good chere | |
| 305 | I wyl the lede vnto the pope vrban | |
| | To Vrban brother myn quod valerian | |
| | Quod tho Tiburce wolt thou me thider lede | |
| | Me thinketh that it were a wonder drede | |
| | Ne mene ye not vrban quod he tho | |
| 310 | That is so ofte dampned to be ded | |
| | And woneth in halkis alwey to and fro | |
| | And dar not onys put forth his hed | |
| | Men sholde hym brenne in a fire so reed | |
| | Yf he were founde yf men mighte hym aspye | |
| 315 | And we also to bere hym companye | |
| | And whyle we sekyn that diuinite | |
| | That is hid in heuene priuely | |
| | Algate brent in this worlde shal we be | |
| | To whom Cecily answerde boldly | |
| 320 | Men mighte drede wel and skilfully | |
| | This lif to like myn owen dere brother | |
| | If this were liuynge only and non other | |
| | But there is bettir lif in other place | |
| | That neuer shal belost ne drede the nought | |
| 325 | Whiche goddis sone vs tolde thorow his grace | |
| | That fadris sone hath al thing wrought | |
| | And al that wrought is with a skilful thought | |
| | The gost that from the fader gan procede | |
| | Hath soulid hym withouten ony drede | |
| 330 | By worde and by mirakil lo goddis son | |
