| | Wol euery wight or that the cook croweth | |
| | And wold do ony thing that hym oweth | |
| 35 | Fastynge drynke of this welle a draughte | |
| | As that holy Iew our eldris taughte | |
| | His bestis and his stoor shal multiplye | |
| | And syris also it helith ielousie | |
| | And though a man befalle in gelous rage | |
| 40 | Leet make with this watir his potage | |
| | And neuer shal he more his wyf mystryste | |
| | Though he the defaute by her wiste | |
| | Al had she take prestis two or thre | |
| | Here is a meteyn eek ye may se | |
| 45 | He that his hond wol put in that meteyn | |
| | He shal haue multiplyyng of his greyn | |
| | Whan he hath sowen be it whete or otys | |
| | So that he offre pens or ellis grotis | |
| | And men and women o thing warne I yow | |
| 50 | If ony wight be in this chirche now | |
| | That hath doon synne horrible that he | |
| | Dar not for shame shryuyn be | |
| | Or ony woman be she yong or olde | |
| | That hath ymaad her husbond Cokeolde | |
| 55 | Suche folk shal haue no power ne grace | |
| | To offir to my relikes in this place | |
| | And who so fyndith hym out of suche blame | |
| | Comyth vp and offir in goddis name | |
| | And I assoyle hem by the auctorite | |
| 60 | Suche as by bull was grauntid me | |
| | By this gaude haue I wonne many a yeer | |
