| | 30 He saith eke thus that sorowe in herte sleeth ful many a | |
| | man / 31 Salamon saith that right as moththis in the sheep | |
| | flees anoieth the clothes / And the smale wormes the trees | |
| | Right so anoieth sorow the herte of a man . 32 Wherfore vs | |
| | ought as well in the deth of our children as in the losse of | |
| | our goodes temporel haue pacience . 33 Remembrryng on the | |
| | pacient Iob . whan he had lost his children and his temporel | |
| | goodes and had endured many a full greuous temptacōn | |
| | Yet said he thus / 34 Our lord hath geuen hit to me / Our | |
| | lord hath berafte hit me / right so as our lord hath wolde | |
| | right so hit is don / y blessid be the name of our lord . | |
| 35 | H | O thise forsaid thinges answerd Mellebeus to his | |
| | wyf Prudence alle thy wordes ben soth said he and | |
| | therto prouffitable / But trewly myn herte is trobled with | |
| | this sorow so greuously that I wote not what to doo / 36 Late | |
| | alle thy trewe frendes said prudence and alle thy lignage | |
| | whiche that ben wise come vnto the / and telle to them your | |
| | caas / And herkene what they saye in counceyllyng and | |
| | gouerne yow after her sentence / 37 Salomon saith werke all | |
| | thy thynges by counceyll and thou shalt neuer repente / | |
| | 38 Than be cause of the counceyll of his wyf Prudence / this | |
| | Mellebeus lete callen a grete cōgregation of folk 39 as Cirur | |
| | giens / Phisiciens / olde folke . and yonge / and som of his | |
| | olde enmyes reconciled as by their semblance to his loue & | |
| | to his grace 40 and ther withall cam some of his neyghebours | |
| | that dide hym reuerence more for drede than for loue as hit | |
| | happeth ofte / 41 Ther comen also many subtil flaterers and | |
| | wise aduocates lernyd in the lawe / 42 And whan thise folke | |
| | to gider assemblid were / This Mellebeus shewd to hem | |
| | | |
