The British Library Caxtons Online: Cx1, folio 26v

	And baar hym in pees and eke in warre
590	Ther was noman that Theseus hadde derre
	A	Nd in this blisse lete I now arcite
		And speke I wil of Palamon alite
	In derknesse horrible and in strong prison
	This seuen yeer hath sete this Palamon
595	For pyned what for woo and distresse
	Who felith dowbyl woo and heuynesse
	But Palamon that loue distreyueth soo
	That wood out of his wit he ny goth for woo
	And eke therto he is a prisoner
600	Perpetuel and not only for a yeer
	Who cowde ryme in englissh propirly
	His matirdom forsothe it am not I
	Therfore I passe as lightly as I may
	I wylle not taire yow alle the day
605	The thirde nyght as olde bokis sayn
	That all this story tellith more and playn
	Were it be auenture or destyne
	Alas that whan a thing is shapyn it shal be
	That sone aftir the mydnyght Palamon
610	Be help of a frend broke hath his prison
	And fleeth fro the prison as sone as he may goo
	For he hadde yeue his gailer drynke soo
	Of clarrey made of a certeyn wyne
	With nercotises and Epye of Thebes fyne
615	That half þ^e night though men wolde hym shake
	The gayler so slepte he mighte not a wake
	And thus he fleyhe as faste as he may

In CTP line numbering:	KT, 590
In Group (Traditional) numbering:	Group A, 1448
In Fragment (Riverside) numbering:	Fragment I, 1448

In CTP line numbering:	KT, 595
In Group (Traditional) numbering:	Group A, 1453
In Fragment (Riverside) numbering:	Fragment I, 1453

In CTP line numbering:	KT, 600
In Group (Traditional) numbering:	Group A, 1458
In Fragment (Riverside) numbering:	Fragment I, 1458

In CTP line numbering:	KT, 605
In Group (Traditional) numbering:	Group A, 1463
In Fragment (Riverside) numbering:	Fragment I, 1463

In CTP line numbering:	KT, 610
In Group (Traditional) numbering:	Group A, 1468
In Fragment (Riverside) numbering:	Fragment I, 1468

In CTP line numbering:	KT, 615
In Group (Traditional) numbering:	Group A, 1473
In Fragment (Riverside) numbering:	Fragment I, 1473