| 155 | Of many aman more of auctorite | |
| | Than euyr Caton was so moot y the | |
| | That al the reuers sayth of his sentence | |
| | And haue wel founde be experience | |
| | That dremys be significaciouns | |
| 160 | As wel of ioye as of tribulacions | |
| | That folk enduryn in this lyf present | |
| | Ther nedith to make of this non argument | |
| | The verry preef shewith it in dede | |
| | One of the grettest auctor that men rede | |
| 165 | Saith thus that sumtyme two felowis went | |
| | On pilgremage in ful good entent | |
| | And happid so they comyn in a toun | |
| | Where as ther was suche congregacion | |
| | Of pepyl and eke of streit herbegage | |
| 170 | That they ne fond as mykyl as a cotage | |
| | In whiche they bothe mighte I loggid be | |
| | Wherfore they muste of necessite | |
| | As for that nyght departe companye | |
| | And eche of them goth to his osterye | |
| 175 | And took his loggyng as it wold falle | |
| | That on of hem was loggid in a stalle | |
| | Ferre in the yerde with oxen of the plow | |
| | That othir man was loggid wel ynow | |
| | As was his auenture or his fortune | |
| 180 | That vs gouernyth al as in comune | |
| | And so it be fyl longe or it were day | |
| | This man mette in his bed there that he lay | |
| | That his felow gan to hym calle | |
