| | And weren an hangid be the necke boon | |
| | Here may ye se that dremys ben to drede | |
| | And certis in the same lif I rede | |
| 245 | Right in the nexte chappitre aftir this | |
| | I gab not so haue I ioye and blis | |
| | T | wo men that wolde haue passid ouer the se | |
| | For certayn causis in to a fer contre | |
| | Yf the wynd ne hadde be contrarye | |
| 250 | That made hem in a cyte to tarye | |
| | That stood ful mery vp on an hauen syde | |
| | But on aday ayens an euyn tyde | |
| | The wynd gan chaunge & blew as hym lyst | |
| | Ioly and glad they wentyn to rest | |
| 255 | And cast hem ful erly forto saylle | |
| | But herkyn to that on man fil a greet meruaylle | |
| | The on of hem slepinge as he lay | |
| | He mette a wonder dreme agayn the day | |
| | Hym thoughte a man stood by his beddis syde | |
| 260 | And hym comaundid that he sholde abyde | |
| | And sayde hym thus yf thou to morow wende | |
| | Thou shalt be dreynt my tale is at an ende | |
| | He wook and tolde his felow what he mette | |
| | And prayde hym his viage forto lette | |
| 265 | As for that day he prayde hym forto abyde | |
| | His felow that lay be his beddis syde | |
| | Gan forto lawhe and scornyd hym ful faste | |
| | No dreme quod he may do my herte agaste | |
| | That I wol lette forto so my thingis | |
| 270 | I set nat a strawe for thy dremyngis | |
